La embaxada prieta

Nun ye que tea muncho capital, soi probe, pa que mos vamos engañar... pero un bon negociu nestos tiempos que cuerren diba ser facese aicionista d'Air-Asturias o d'ALSA... habría que guetar na rede si estes compañíes venden aiciones y a cuánto les venden... Lo que ta claro, ye que por más qu'Areces anecie en que nun somos más que lleendes urbanes, tolos emigrantes que tamos fora'l país nun vamos dubiar en emplegar los "vuelos baratos" como cuentu risa pa tornar...

¿60 euros dir y tornar Barajas-Ranón? ¿7 más que n'ALSA? Ye la cuenta, y lo mesmo que yo, munchos van ser quienes agora entamen a mercar vuelos Madrid-Asturies, o Barcelona-Asturies, o Lo que seya-Asturies... Y agora la entruga que munchos se fadrán, sobremanera los que tean avezaos a viaxar n'Avión... por toos ye conocío que les clases, a parte de la primera que ye pa ricos son "turista" y "bussines", la primera pensada pal turista que va facer un viaxe turísticu (como'l so nome lo diz), y la otra pal home de ñegocios al que-y paguen por viaxar, cásique siempres col billete pagáu pola empresa y llistu pa zarrar ñegocios o tratos perimportantes pa les multinacionales... ¿Pero ú vamos les 19.000 lleendes urbanes añales? Porque a parte de les 19.000 de la mio promoción, habrá 18.000 ó 19.000 na promoción que vien... y lo mesmo yo que'l restu de lleendes, ñecesitamos viaxar... ¿En bussines? Un poco caro, y un poco hipócrita, inda más si camentamos que'l Principáu nun mos va dar nin un euru por viaxar... ¿Turista? Esto si que sedría hipórita, dir a "facer turismu" a la tierra de to... yá sedría de xuru qu'un argumentu más pa qu'Areces falsare les estadístiques demoeconómiques, cosa que munchu-y presta según diz la oposición...

¿Fadrá Air-Asturias la "clas emigrante" o tendremos que soportar la hipocresía de viaxar en clas "turista" a la nuesa propia patria? DEnde equí dalgunes idegues pa la nueva clas de viaxe que, espero, vaiga tener descuentu: "Clas patera", "Clas Lleenda", "Clas Emgirante", "Clas retornáu", "Clas Vémonos-otra-vegada"... A la fin, vamos facer amigos ente'l personal de serviciu de cabina ya inda mos van dexar aterrizar los aviones... ¿Surdirán vocaciones de pilotos y d'azafates d'ente tantos como vamos dir? Naide nun sabe.

Demientres, equi, en Madrid, tou sigue igual.

Aquí estamos desde esta pintoresca ciudad de Oviedo, con las gaitas típicas y folclóricas de fondo, muestra del particularismo de esta región de la patria fundadora de España y cuna de la cristiandad.

Hoy es el día más grande para los asturianos y las asturianas, que exaltados de fevor patriótico y nacional, acuden en masa a ver a la gloriosa figura de Su Alteza Real el Príncipe don Felipe de Asturias y Heredero al trono de España, esa una grande y libre que tanto nos da y a la que tanto debemos. Junto a él, el excelentísimo Señor Areces, jefe del movimiento nacional en Asturias y director de la FSA de las JONS, una figura muy querida por los asturianos y las asturianas que le dedican canciones y le tiran flores, lo mismo que a Su Alteza Real el Príncipe de Asturias.

Sin duda alguna, entre tanto extranjero galardonado, destacan los premios al cineasta ESPAÑOL, Almodóvar, y es que de los 7 premios los nacionales españoles se han llevado dos de ellos, lo que es una muestra de la grandeza de nuestra nación a la que ningún estatut podrá derrotar. Como hemos podido ver, los más aclamados de todos por todos los asturianos han sido los jugadores de baloncesto de la selección nacional española de baloncesto, a los que se les han dedicado coplas, sevillanas y una corrida de toros en su honor.

De toda esta visita, fuentes próximas a Su Alteza Real el Príncipe de Asturias, dicen que lo que más les ha llamado la atención es esa "manera de hablar gentil y graciosa que tienen los asturianos", lo mismo que la sidra o la gaita, que son las pocas diferencias que tiene esta región tan singular de españa que allá contra los indeseables moros-emigrantes lo dio todo por esa grande y libre que hoy tenemos.

 ¡Viva España!

¡Viva el Príncipe!

¡Cuán importantes son los cabezaleros nes llistes! ¿verdá? Mui personalizada debe tar la política pa que los prubinos de los elleutores acabemos asociando un votu a una persona, cuando en realidá tamos votando a tanta xente como escaños hai en parllamentu. A la fin, lo que cuenta ye'l candidatu, y según el que vaiga, habrá una sensibilidá mayor pa unes coses y menor pa otres... O asina piensa la xente... ¿En serio?

Yo creyo que non, y p'amuesa un botón: Maragall. Nos caberos meses viéremos toos como esti gran políticu (a min paezmelo; y yá quixere ún como elli pa la FSA de las JONS) foi censuráu una y otra vuelta pol so partíu, qu'acabó imponiendo al candidatu más triste de la hestoria de Cataluña: Montilla. Esto mos fai reflesionar sobro la importancia real que tienen candidatos como Valledor, xente que, a lo menos de cara al públicu, tien bonos xestos pa cola llingua... ¿Pero qué poder tien un cabezaleru como Valledor dientro del so partíu, ya de fechu minoritariu na Xunta Xeneral? Cásique nengún, o mui pocos, por eso, al nuesu Maragall, el Sr Valledor, féxose-y lo mesmo qu'al Maragall de verdá: Echalu p'abaxo, y por eso agora el probe de Valledor va dir de númberu dos: una exemplu nidiu del talante y los criterios qu'agora tien IX.... (Siguirá siendo IX o tornará a ser IU?)

Los cartelos son mui importantes na campaña elleutoral, son un ventanucu al partíu que los pon, y asina viéremos en 2003, como Izquierda Xunida, faciendo la primer campaña dafechamente billingüe de la so hestoria, foi a convencer a munchos asturianistes de que lo de so diba en serio, yera verdá, y el compromisu pa cola nuesa llingua yera realidá... asina picaron munchos, fasta les mentes más grandes de l'asturianismu, valga recordar la entrevista qu'Inaciu Galán-y fexo a García Arias, na que reconocía que lu engañaron como a un guah.e. Por esto, habrá que tar mui pendientes del pretendíu pro-asturianismu que dende munchos foros se-y achaca agora al PP... ¿Fadrá una campaña billingüe? Dúbiolo, y si lo fai, yá viéremos qu'eso nun ye una garantía...

Y agora, pa finar la reflexón del día, damos pasu a reflexonar sobro los programes... ¿Qué pesu tienen? Más bien pocu, sobro too si ún dase cuenta de que puntos programáticos como la "oficialidá de la llingua asturiana", que durante la campaña reforzábense con mensaxes como "Nun vamos entrar en dengún gobiernu que nun sofite la oficialidá", finen por ser siempres, a cambiu de puestucos y conseyeríes, papel moyao, papel moyao que nun val de nada...

¿Sentísvos impotentes?

Nun vos preocupar, hai un mou de castigar a la traición de los partíos, si ye que vos sentís traicionaos pol desendolcu o falta de desendolcu que fixeren del so programa: Nun los votar. Asina, si agora la UAS, o Andecha Astur sacaren de sópitu 1 ó 2 diputaos, nun taría asegurada la oficialidá (nin munchísimo menos), pero nos programes de les elleiciones d'Asturies 2011 de xuru que diba haber más sensibilidá pa con esi tema, que ye un mou de captar votos y sofitos ente la ciudadanía... ¿Qué pasará agora? Nun lo sabemos, pero de xuru qu'en gran midía los programes van depender de la manifestación que faigamos el 18 de payares a la que dende'l mio esiliu diré... ¿Taremos ehí? ¿Sedremos más o menos qu'otres vegaes? De xuru que si somos dellos miles más d'un plantegaráse les coses... más d'una executiva fadrá reunión d'urxencia, y, anque nun tome dengún determín, a lo menos plantegaráse-y el problema enriba la mesa...

¿Nun ye acasu'l movimientu pola oficialidá de la llingua asturiana el más numberosu, el que más actos convoca y el que más fuercia nes cais tien de toa Asturies? ¿Hai dalgún otru problema, a parte de les lleendes urbanes y el paru que pa los asturianos cause tantu esmolecimientu? De xuru que non, y eso, por más que s'intente tapecer dende'l poder y les cabeceres de los periódicos folklórico-franquistes, ye una fuercia viva... Y los vivos, seyamos homes o llingües, siguimos lluchando pa nun morrer...

Colo yá mesmo pa Llión, mañana o pasáu a más tardar camiento en poner una crónica de la manifestación pola so autonomía que va cellebrase güei y a la que voi dir con collacios míos de Conceyu Xoven...

Hai más llucha pola llingua, y delles vegaes ta fora d'Asturies!

El país vecín, que comparte hestoria y llingua col de nueso, salió a les cais ayeri pa reivindicar el so drechu a constituise en Comunidá Autónoma, según les fuercies policiales, habría ente 4.000 y 5.000 manifestantes, según los convocantes 20.000...

 Pa min, na mio modesta opinión d'asistente y "ñeutral", habría unos 15.000 más o menos los mesmos que nes más grandes de les manifestaciones pola oficialidá. Equí vos dexo dalgunes semeyes

El país vecín nagua pola so autonomía, como nós nel 1976 coles pancartes de "Autonomía Rexonal" y "Bable nes escueles"... y magar qu'al sur les más de les pancartes tuvieren en castellán (hebo delles que taben en llionés) la llucha ye la mesma que la que tuviéremos nós va tiempu.

Sicasí, magar lo paecío de la llucha, magar que falemos una mesma llingua, magar que seyamos vecinos, munchos asturianos, y lo qu'inda ye peor; munchos asturianistes desconocen dafechu la situación al sur del Cordal. Nun ye que yo seya un gran conocedor de la mesma, nin pretendo facer estudios en llionesoloxía nin nada asemeyao, pero voi intentar espeyar los mios pensamientos sobro'l tema de Llión, país que nun conozo tantu como quixera pero que día tres día va prestándome más.

Nestos díes que cuerren, fuera de Llión, dicir que les provincies de Llión y Zamora, o a lo menos la de llión nun son castiella sona raro, y si yes asturianu como soi yo, inda más raro queda dicir que tienes un par d'amigos ellí en Llión, llioneses, y llionesistes. Munchos seutores de l'asturianismu nun se tomen en serio a un movimientu que, a diferencia d'otros movimientos que podríemos llamar "flipaos" (perdonái l'estranxerismu) tien tantu sentíu, tanta base hestórica y tanta base llingüística como l'asturianismu, nin más nin menos.

Sorpréndenme muncho les opiniones asoleyaes pela rede de xente que desconoz dafechu'l tema llionés, comparando al llionesismu col cantabrismu y a la UPL y Conceyu Xoven colos de Regüelta y el "Conceju Nacionaliegu Cántabru" Nun tien un res que ver una situación cola otra. Si ún gueta na so llibrería, o nuna llibrería medianamente asturianista y alcuentra el llibru al que va pocu se-y dedicó n'Uviéu un seminariu en calidá de ser estudiu fundacional de la filoloxía asturiana: "El Dialecto Leonés", ún pue ver como yá dende cuantayá a la nuesa llingua conocíasela col nome de Llionés (Leonés), cosa dafechu desconocía pa munchos asturianos. Lo mesmo, si ún sigue guetando pela rede, refiérense al nuesu idioma como "Asturleonés" ¿Por qué? Esi mal viciu de l'asturianismu que, en rempuesta al pensamientu oficial n'Asturies de "Lo nueso ye una mierda y lod e fora ye lo meyor", caye nel problema de finar por mirase namái que l'ombligu, desconoz qu'al sur del cordal hai unes provicnies nes que fálase la nuesa llingua, y ye que dende'l Cabu Peñes al Valle de Miranda L Douro, nun hai provincia na que nun se fale (en mayor o menor grau de conservación, con mayor o menor concencia)

Pudiere ser que la concencia fore'l principal problema del llionés y de los sos falantes, daqué qu'equí nun pasa (Nun pasa porque'l movimientu pro-llingua ye más fuerte y tenemos una autonomía que nun mos ñega la nuesa asturianidá); y hai poca concencia; sicasí, si ún s'avera al sur del cordal va finar por alcontrar llioneses que falen asturianu (o llionés, que ye como ellos lo llamen, dafechametne conscientes de que ye la mesma llingua que la de nueso) y a los que-yos duel (Con razón) que los llamen asturianos irredentos,o que-yos digan que falen asturianu en cuenta de llionés, lo mesmo qu'a los más de los asturianos duel-yos qu'haiga xente que quiera dixebrar el so país en dos, quitándo-y l'Eo-Navia... ¿Cómo se siente'l llionés ente los que quieren quita-yos L.laciana, Oseya, Sayambre ya Babia (Como diz el canciu)? pues igual que l'asturianu al que-y quieren quitar l'Eo-Navia.

Por eso, y tres de ver Llión ya intentar averame un pocu más a la so hestoria y a la so realidá, ún va dándose cuenta de que'l desconocimientu pela parte los más de los asturianos, y el fechu de que nós contemos con autonomía, con academia, con asturianu (magar qu'optativu) nes escueles y con una llei d'usu y promoción que nun s'aplica, valnos pa "sentinos más" que los del sur y miralos con despreciu, un despreciu qu'en ocasiones tien titnes de guerracivilismu pero que nun ta xustificáu...

Da risa, por nun dicir pena, ver a xente revindicar el Conceyu Soberanu d'Asturies y Llión, demientres qu'amuesen un despreciu por llión queriéndo dixebrar la so provincia ente castiella y Asturies. Y ye que la realidá llionesa ye igual que la de nueso, o muy asemeyada, o a lo menos muy asemeyada a como taba la neuas en 1974... Hai escritores na nuesa llingua en Llión (con unes formes mui asemeyaes a les del primer surdimientu), hai pueblos onde se fala la llingua (como inda los hai n'Asturies), hai zones onde cásique nun se fala (Como la Cai Uría n'Uviéu), hai zones que reclamen los gallegos (Bierzo) diciendo que falen gallego (Como l'Eo-Navia), hai asociaciones (Toralín, Facendera pola llingua) que lluchen pola defensa de la llingua  (Lo mesmo que la nuesa xunta pola), y hai asociaciones polítiques y moces (UPL, Conceyu Xoven) que reclamen mayor grau d'autonomía pal País llionés y la defensa de la so identidá cultural lo mesmo que les nuestres (IAS, AA, PAS, Darréu...)... ¿Qué mos estrema? Que nós somos comunidá autónoma, que nós somos más falantes, que nós tenemos dalguna reconocencia llegal pa la nuesa llingua qu'ellos nun tienen (anque van tener bien ceo, col nuevu estatutu qu'asemeyaráse abondo al nuesu art 4)...

Y, claro, dempués siempres ta esa hestoria, esa del Reinu d'Asturies que dempués foi el Reinu de Llión (yeren el mesmu reinu y los sos reis foron los mesmos que los de nueso) , esa mesma hestoria que mos axuntó en 1937 embaxo'l Conceyu Soberanu d'Asturies y Llión (Por asturies y Llión cayeron munchos asturianos y non pocos llioneses)... 

Pero agora, la entruga nun ye si mos vamos a xuntar o non, que paez que nun hai voluntá per denguna de les dos partes, la entruga ye, ¿Qué coño mos pasa con Llión? ¿Por qué nun se tienden pontes d'entendimientu ente un llau y l'otru del cordal? ¿Por qué nun se faen alcuentros culturales, políticos y de toa triba ente nós los asturianos (enantes transastures) y ellos los llioneses (enantes cisastures)? Y sobro tou, sobro tou, ¿Por qué hai tantu mazcayu sueltu per Asturies que s'enfota en dicir que la provincia na que ta Astúrica Augusta (Astorga) ye Castiella?